DEM Partiyê têkildarî rewşa Sirri Sureyya Onder daxuyanî da û got ku tedawiya wî li beşa lênihêrîna awarte didome û dê Serokwekîlên Koma DEM Partiyê bi Wezîrê Dadê re hevdîtinê pêk bînin.
Buroya Çapemeniyê ya DEM Partiyê têkildarî rewşa endamê Şandeya Îmraliyê û Serokwekîlê Meclisê Sirri Sureyya Onder daxuyaniyek belav kir.
Daxuyanî bi vî rengî ye:
“Tedawiya lênihêrîna awarte ya Endamê Heyeta Îmraliyê Sirri Sureyya Onder li nexweşxaneyê didome. Partiya me bi hemû rêveberên xwe re li nexweşxaneyê bi hêvî li bendê ye û em di wê baweriyê de ne ku hevalê me Sirri Sureyya Onder wê di demek herî zû de sax bibe û li cihê ku lê mabû xebatên xwe bidomîne.
Partiya me û raya giştî li ser vê mijarê gelek hesas e tevdigere. Lê mixabin nûçeyên spekulatîf ên ku ne li gorî agahiyên rast in jî tên belavkirin. Beriya her tiştî agahiyên ku li şûna Sirri Sureyya Onder dê navekî nû di Heyeta Îmraliyê ya DEM Partiyê de cih bigirin ne rast in. Partiya me di rojeva xwe de ev mijar nîqaş nekiriye. Xala yekem a partiya me ew e ku başbûna hevrêyê me Sirri Sureyya Onder e.
Serokwekîlên Koma me dê hevdîtinê bikin
Her wiha ji ber pirsgirêka tenduristiyê ya Sirri Sureyya Onder û mijûlbûna Pervîn Buldan a li nexweşxaneyê wê bi Serokkwekîlên Koma me bi Wezîrê Dadê re hevdîtinê pêk bînin.”
