Di navbera Şaredariya Artemêt û Sendîkaya Kedkarên Hemû Şaredarî û Xizmetên Rêveberiyên Herêmî (Tum Bel-Sen) de Peymana Kar a Komî (TÎS) hat îmzekirin. Şaredariyê bi vê peymanê, modela şaredariyê ya “Demokratîk, Ekolojîk û Azadiya Jinê” ya ku diparêze, bi awayekî fermî xist meriyetê.
Di merasîma îmzeyê de Hevşaredar Rabia Başak Koç û Cemil Komi, Serokê Şaxa Wanê ya Sendîkaya Kedkarên Hemû Şaredarî û Xizmetên Rêveberiyên Herêmî (Tum Bel-Sen) Ekrem Pala, Sekreterê Hiqûqê yê Şaxê Vural Aytürk, Sekreterê Çapemeniyê Fehîm Yalçin û nûnerên sendikayê yên cihê kar Saîme Demîrcîoglû û Hekîm Mukemre amade bûn. Ev peyman ne tenê şert û mercên aborî yên xebatkaran çêtir dike; her wiha ji wekheviya zayendî û têkoşîna li dijî şidetê heta mafê zimanê dayikê gelek xalên girîng di nav xwe de dihewîne.
Mafên darayî yên karmendên ku tundûtûjiyê dikin dê bên betalkirin
Li gorî peymanê, personelê ku were tespîtkirin şidetê bi kar tîne, hemû mafên wî yên darayî yên ku ji peymanê çêdibin wê ji destê wî werin girtin û rasterast ji hevjîna wî ya ku rastî şidetê hatiye re were dayîn. Her wiha, xebatkarên ku pîrjiniyê (pirhevjînî) dikin, nikanin ji mafên peymanê sûd werbigirin. Di bûyerên şidetê de prensîba “gotina jinê bingeh e” wê were pejirandin û bi lez lêpirsîn were destpêkirin.
Ji bo xebatkarên jin cudaxwaziya pozîtîf
Peymana nû ji bo karmendên jin gelek mafên erênî di nav xwe de dihkewêine. Şaredarî bi vê peymanê armanc dike ku şert û mercên jinan baştir bike. Di peymanê de ji bo jinan ev maf cîh digirin:
*Karmendên jin mafdar in ku mehê rojekê destûra hîzbûna jinê (regl) bistînin.
*Dê ji hemû karmendên jin re di 8ê Adarê û 25ê Mijdarê de destûra îdarî were dayîn.
*Ji bilî dema qanûnî, heşt hefteyên zêde yên destûra dayiktiyê dê were dayîn.
*Ji bilî destûra qanûnî, heşt hefteyên zêde yên destûra dayiktiyê.
*Dê ji aliyê şaredariyê ve ji bo hemû xebatkarên jin ên ku bixwazin, piştgiriya vaksînasyona HPV ya belaş were peydakirin.
Rêkeftinên aborî yên girîng
Ji bo parastina asta refaha xebatkaran, destkeftiyên girîng di peymanê de cîh digirin. Li gor peymana nê xebatkar dibin xwediyê van mafan:
*Tazmînata Hevsengiya Civakî, wekî %120ê meaşê herî bilind ê karmendên dewletê hat diyarkirin.
*Di 1ê Gulanê, Cejna Remezanê, Cejna Qurbanê û meha Mijdarê de wekî “Alîkariya Sotinê”, salê çar caran îkramiyeya tam wê were dayîn.
*Alîkariya xwarinê ya rojane ku 310 TL ye, her 6 mehan carekê li gorî rêjeya enflasyonê wê were nûkirin da ku nehêle.
