Ji îlona 2024an heta dawiya îlona 2025an 81 zarokên karker, di karên cuda de jiyana xwe ji dest dan. Li gorî meclisa ÎSÎGdê ji serê salê heta niha jî hezar û 566 karker bûn qurbana kar.
Di meha îlona 2025an de herî kêm 206 karker bûn qurbana kar. Di 9 mehên ewil ên 2025an de jî herî kêm Hezar û 566 karker bûn qurbana kar. Tenê di meha îlonê de 9 karkerên zarok jiyana xwe ji dest dan. Di çile de 180,di sibatê de 124, di adarê de 159, di nîsanê de 156, di gulanê de 178, di hezîranê de 164, di tîrmehê de 207, di tebaxê de 192 û di îlonê de jî 206 karker bi giştî hezar û 566 karker bûn qurbana qezayên kar.
Ji îlona 2024an heta te texaba 2025an herî kêm 72 zarok bûn qurbana qezayên kar. Di îlona 2025an de jî 9 zarok bûn qurbana kar. Di 13 mehên dawî de 81 zarok bûn qurbana kar. Di navbera salên 2013 û 4 mehên ewil ên 2025an de herî kêm 261 zarokên di navbera 5 û 14 salî de bûn qurbana qezayên kar. Di heman salan de 509 zarokên ku temenên wan 15-17 salî bûn qurbana kar.
Di navbera salên 2013 û 4 mehên ewil ên 2025an de bi giştî 2 hezar û 728 ciwan bûn qurbana kar. Ji van ciwanan jê 222 ciwanên 18 salî, Hezar û 214 ciwanên 19-22 salî, Hezar û 292 ciwanên 23-25 salî bûn qurbana cînayetên kar.
Di 2013an de herî kêm 193 ciwan, di 2014a de 226 ciwan, di 2015an de 222 ciwan, di 2016a de 233 ciwan, di 2017an de 232 ciwan, di 2018an de 225 ciwan, di 2019an de 206 ciwan, di 2020an de 202 ciwan, di 2021an de 174 ciwan, di 2022an de 252 ciwan, di 2023an de 260 ciwan, di 2024an de 239 ciwan û di 4 mehên ewil ên sala 2025an jî herî kêm 64 ciwan, bi giştî di navbera 2013 û 4 mehên 2025an de herî kêm, 2 hezar û 728 ciwan bûn qurbana kar.
Ciwanên jin û mêr
Dîsa di vê pêvajoya 2013 u 4 mehên 2025an de 235 jinên ciwan û 2 hezar û 493 ciwanên mêr jiyana xwe ji dest dan.
Li gorî daneyan, li Tirkiyeyê 1 mîlyon û 372 zarokên karker hene. Li gorî daneyên TUÎKê di sala 2024an de zarokên temenê wan di navbera 15-17 salî de ji sedî 24,9 di kar de dixebitin. Li gorî vê daneyê nêzî 970 hezar zarok kar dikin.
