Meclîsa Jinan a DEM Partiyê ya Bornovayê di çarçoveya 8ê Adarê de şahiyek li dar xist. Di şahiyê de Burcugul Çubuk bal kişand ser giringiya piştevaniya jinan û got: “Em ê vî rihê piştevaniyê bilind bikin û têkoşîna xwe bidomînin”
Meclîsa Jinan a Partiya Wekhevî û Demokrasiyê ya Gelan (DEM Parti) ya Bornova ya Îzmîrê, di çarçoveya 8ê Adarê de şahiyek li dar xist. Di şahiya ku li Navenda Çandê ya Bornovayê hat lidarxistin de, pankartên “Em bi berxwedanê azad dibin, civaka demokratîk dihûnin” û “Bi raperîna xwe berxwedanê, bi berxwedana xwe jiyana azad û wekhev dihûnin” hatin daliqandin, dirûşma “Jin, jiyan, azadî” hat berzkirin û belgefîlma JinWar hat nişan dan. Parlamentera Îzmîrê ya DEM Partiyê Burcugul Çubuk û gelek jin beşdarî şahiyê bûn.
‘Em ê destê xwe bidin hev’
Di şahiyê de pêşî belgefîlma JinWar hat nişan dan. Piştî belgefîlmê parlamentera Îzmîrê Burcugul Çubuk axivî û diyar kir ku hevgirtina jinan gelekî bi qîmet e û got: “Ji bo em xwe bigihînin hev; Em ê zincîreke jinan ava bikin ku me bi me zimanê xwe, ji ramanên xwe û ji jiyana xwe hûnandiye û bi wê zincîrê em ê dîwarê mêrserwer hilweşînin. Jinên ji her temenî û ji her neteweyî, di hewşa mala xwe de hewl didin tiştekî bikin. Em ê destê xwe bidin hev. Yanî em ê vî rihê piştavaniyê bilind bikin û têkoşîna xwe bidomînin”
