‘Em ê 8ê Adarê li qadan banga azadiya jinan bikin’

Stenbol – Jinên ku li Stenbolê tev li çalakiya 8ê Adarê bûn diyar kirin ku 8ê Adarê roja jinan e û divê tevahiya jinan di 8ê Adarê de li qadan xwedî li hev derkevin û gotin: “Jin dixwazin polîtîkayên baviksalarî ji holê bên rakirin. Em ê 8ê Adarê li qadan banga azadiya jinan bikin.”

Tevgera Jinên Azad (TJA) ber bi 8ê Adarê Roja Jinan a Cîhanê ve li navçeya Kartala Stenbolê çalakî li dar xist. Jinên ku tev çalakiyê bûn nêrînên xwe ji ajansa me re anîn ziman.

‘Em ê her dem li ber xwe bidin’

Hevseroka Komeleya Elewiyên Demokratîk (DAD) Mercan Gul diyar kir ku jin li qadan 8ê Adarê daxwazên xwe bilind dikin û got: “Em jî dixwazin wekî her kesî azad bijîn. Mafê me jî wekî her kesî hebe. Jin sedê salan e li ber xwe didin. Jinên Kurd îro di bin zext û zilmê de dijîn. Li Rojava jin tên kuştin. Em ê her dem li ber xwe bidin. Jin dixwazin polîtîkayên baviksalariyê ji holê bên rakirin. Em dixwazin li kolanan azad bigerin.”

‘Em mafên xwe dixwazin’

Zelîha Gunay jî destnîşan kir ku ew dixwazin jin bi ser bikevin û wiha got: “Em dixwazin li Rojava, Rojhilat û Şengal bi ser bikeve. Em mafên xwe dixwazin. Serokê me bila di nav me de be. Serok azad nebe em jî azad nabin. Em ê bi ser bikevin. Ez bang li tevahiya jinên cîhanê dikim û dibêjim rabin.”

‘Divê jin di 8ê Adarê de li qadan xwedî li hev derkevin’

Makbule Yilmaz jî anî ziman ku ew bang li jinan dike ku di 8ê Adarê de li qadan bin û wiha got: “Em ji bo xwedîderketina Rojava divê li qadan bin. Divê tevahiya jinan di 8ê Adarê de li qadan xwedî li hev derkevin. Di 8ê Adarê de roja tevahî jinan e, divê her kes li qadan be. Jin jiyan azadî.”

‘Em dixwazin azad bijîn’

Husna Yildiz jî anî ziman ku 8ê Adarê roja jinan e û wiha axivî: “8ê Adarê li New Yorkê derket holê. Em jî îro ji bo 8ê Adarê li qadan in û li ber xwe didin. Azadiya jinan tune bû. Tevgera Kurd ji bo azadiya jinan têkoşiya. Em ê 8ê Adarê li qadan banga azadiya jinan bikin. Em dixwazin azad bijîn.”

‘Em ê bi ser bikevin’