Hevseroka Giştî ya DEM Partiyê Tulay Hatîmogullari, li pêş şaredariya Akdenîzê axivî û got: “Em heta niha tu carî serî netewand û em ê têkoşîna xwe berdewam bikin.
Çalakiya gel a li pêş şaredariya Akdenîzê ya Mêrsînê berdewam dike. îro jî gelek saziyên civakî, rêxistinên demokratîk piştgirî dan girseyê. Hevseroka Giştî ya DEM Partiyê Tulay Hatîmogullari jî hat serdana girseyê û tev li çalakiyê bû. Hevseroka DEM Partiyê Tulay Hatimogullari li vir aixvî û got: “Ev gel bi berxwedanê hat vir. Em bi berxwedanê hatin vir. Me heta niha li hemberî rêveberiya contayan û rêveberiya qesrê serî netewand. Me li hemberî feraseta ku li aliyekî destê aştiyê dirêj dike û li aliyê din qeyûman tayîn dike serî netewand. Em bi berxwedanê gihiştin vir. Em ê têkoşîna xwe berdewam bikin.
Hûn dikarin ji lîna jêr guhtar û temaşe bikin
