Girtiyê nexweş Soydan Akay ê ku 32 sal in girtî ye û çar caran berdana wî hat astengkirin, serbest hat berdan.
Girtiyê nexweş Soydan Akay serbest hat berdan. Akay ê ku 32 sal in di girtîgehê de ye, tenê di meha Adarê de heft caran rakirin nexweşxaneyê.
Her çendî Akay di sala 2023an de mafê berdana bi şert hebû jî, berdana wî ji aliyê desteya çavdûrî û îdareyê ve çar caran hat paşxistin. Kansera prostat, romatoîd, hepatît B, tansiyona bilind û nexweşiya dil bi Akay re hene. Akay di meha Adarê de heft caran rakirin nexweşxaneyê û her çiqasî di meha Nîsanê de krîza dil derbas kiribû jî, bi gotina ku “tansiyona wî daketiye” agahî nedan.
Parêzera Akay û endama Komeleya Hiqûqnasên Azadiyê (OHD) Esra Bilen ragihand ku Akay dê ji Girtîgeha Girtî ya Marmarayê were berdan.
