Mizgîn Hesko ya ku yek ji helbestvanên navdar ên Bakur û Rojhilatê Sûriyeyê ye li Almanyayê wefat kir.
Mizgîn Hesko ya ku yek ji helbestvanên navdar ên Bakur û Rojhilatê Sûriyeyê, duh êvarê li bajarê Bielefeld ê Almanyayê wefat kir. Mizgîn Hesko ku nêzîkî sê salan bi nexweşiya pençeşêrê re şer dikir, di dema nexweşiyê de jî hilberîn dewam kir.
Mizgîn Hesko bi 14 pirtûkên xwe yên helbestan, di wêjeya Kurdî de şopeke mayînde hişt.
Mizgîn Hesko kî ye ?
Mizgîn Hesko di sala 1973yan de li Qamişloyê ji dayik bûye, ji sala 1992yan ve li Almanyayê dijî.
Mizgîn Hesko piştî Komkujiya Helebçeyê yekem helbesta xwe bi zimanê Kurdî nivîsand, bi salan wekî helbestvanek berhemdar hate nasîn. Ew her wiha bi awayekî çalak beşdarî çalakiyên wêjeyî yên li dîasporayê bû.
Di sala 2022’yan de ji ber xebata xwe xelata Şair Tîrêj wergirtiye.
Mizgîn Hesko, ku di sala 2023’yan de du pirtûkên helbestan ên nû da nasîn, di meha Îlonê de pirtûka xwe ya helbestan a 14emîn bi navê “Ji Ristezara Elindê” çap kir.
