Di navbera HSDê û Sûriyeyê de duh peyman hate îmzekirin. HSDê bi vê peyamanê HSDê mafê ewlehî, perwerde, xwerêveberin û entegrebûnê bi dest xist.
Piştî êrişên 6ê Çileyê yên bi destê çeteyên HTŞê, DAIŞê, SMO û girêdayî Tirkiyeyê hatine pêkanîn Kurd bi têkoşîneke bêhempa herêmên xwe parastin. Tevî berdêlên hatine dayîn li her çar aliyê Kurdistan û cîhanê hemû Kurd û dostên wan rabûn ser pêyan ji bo destkeftiyên Kurdan seferber bûn. Têkoşîna ji bo parastina Rojava bi ser ket û duh di navbera Hêzên Sûriyeya Demokratîk û Sûriyeyê de peymanek hat îmzekirin. HSDê peymanê îro eşkere kir.
Peyamana ku garantoriya wê dê Amerîka û Fransa bike ji 4 gavan pêk tê. Li gorî vê peymanê dê entegrasyona HSDê ya di nava rêveberî û hikûmeta Sûriyeyê dê gav bi gav were pêkanîn. Garantoriya vê peymanê jî dê Amerîka û Fransa bikin.
Gava Yekem: Ewlehî û Vesaziyên Leşkerî
Li gorî gava yekem a peymanê dê mijarên ewlehî û vesaziyên leşkerî dê roja duşemê (02.02.2026) werin destgirtin. Li gorî vê yekê ji bo hemû aliyan û wek mayînde agirbest dê bikeve meriyetê, di vê çarçoveyê de dê dê hikûmeta demkî binçavkirin, serdagirtinên xwe bi dawî bike. Herwiha hikûmeta demkî dê karûbarên lojîstîkê yên tehliyekirinê re alîkariyeke tam bike.
Entegrasyona leşkerî
Lî gorî peymanê dê hêzên HSD ji bajarên Hesekê û Qamişloyê vekişin qişleyên leşkerî yên hatine diyarkirin û dê Artêşa Sûriyeyê jî ji başûrê Hesekê ber bi bajarokê Şedadê ve vekişe. Dîsa dê hikûmeta demkî li Hesekê tumeneke leşkerî ava bike û dê HSD 3 tugayan xwe entegreyî vê tumenê bike. Hêla leşkerî ya Kobanê diparêze jî dê di nava tumena leşkerî ya Helebê de entegre bibe.
Gava Duyem: Ewlehî û vesaziyên Rêveberî
Li gorî gava duyem a peymanê herî kêm di nava 10 rojan de li Hesekê û Qamişloyê cuda cuda 15 wesayîtên ewlehiyê yên HSDê dê werin bicihkirin û dê ev hêzên ewlehiyê bi Wezareta Ewlehiyê re were entegrekirin. Her wiha Waliyê Hesekê dê bi pêşniyara HSD, Midûrê Ewlehiya Hundirîn bi pêşniyara hikûmeta Şamê, Cîgirê Wezîrê Parastinê dê bi pêşniyara HSDê were tayînkirin
Gava Çeremîn: Entegrasyona Saziyên jiyanî
Di peyamanê de mijara petorl û saziyên hewavaniyê jî hatin destgirtin. Li gorî peymanê dê din ava 10 rojan de tesîsên petrolê yên li qadên Rimêlan û Siweydayê û xebatkarên wê dê dewrî Wezareta Enerjiyê werin kirin û entegrasyona wan were pêkanîn. Dîsa Saziya Hewayî Sivîl dê Belefirgeha Qamişloyê dewr bigre.
Deriyên sînor û ewlehiya wan
Di peymanê de xalên herî girîng yek jî entegrasyona saziyên sivîl e. Ji ber Rêveberiya Xweser bi giranî xwe li ser saziyên sivîl rêxistin dike û sazîbûna sivîl diparêze. Li gorî gava 4emîn a peymanê dê Gerînendetiya Derîyên Sînor tîmekê di deriyên sînor ên Sêmalka û Nisêbînê de bi cih bike. Herwiha li van deran çek nayê bikaranîn û dê têketina bi çek a kesên biyanî were qedexekirin. Li gorî van xalan jî divê deriyên sînor vekirî bên hiştin.
Hikmên ji bo hemû aliyan derbasdar
Di beşa dawî ya gava 4emîn a peymanê de hat diyarkirin ku hikmên hatine diyarkirin ji bo hemû aliyan derbasdar in û dê di tevaniya pêvajoyê de derbasdar be. Li gorî vê yekê dê hêzên leşerî nikaribin têkevin bajar û bajarokan. Taybetî jî nakevin herêmên Kurdan.”
Hevsengiya belgenameyên dibistanan
Li gorî peymanê hemû xwendekarên ku li dibistan, dibistana navîn û dibistanên bilind ên pîşeyî perwerde dîtine dê karibin hevsengiya belgenameyên xwe bi dest bixin û dê ev belgename wek fermî werin erêkirin. Herwiha di naveroka perwerdeyê de dê xweseriyên Kurdan berçav were girtin. Dîsa dê saziyên herêmî yên çandî, sivîl û medyayê bi saziyên têkildar re li gorî rêziknameyê bi awayeke guncav bibin xwedî rûxsat.
Pêkanîna vegera gund û bajaran
Li gorî peymanê dê vegera hemû kesên ji gund û bajarên xwe bûne were pêkanîn, dê li van herêman rêveberên rêveberiyên herêmî werin tayînkirin.
