Hunermendên piştî ku ji Rojavayê Kurdistanê vegeriyan Başûrê Kurdistanê daxuyanî dan û gotin: “Xeterî bi temamî bidawî nebûye. Ji ber ku dijmin ranazê divê çavên her kesî vekirî bin.”
Hunermend Diyar Dêrsim, Hozan Şemdîn, Luqman Selîm, Rênas Zey û gelek rojnamevan piştî vegera xwe ji Rojavayê Kurdistanê îro gihiştin Başûr û daxuyaniyek da çapemeniyê. Di daxuyaniya çapemeniyê de hunermend Diyar Dêrsim axivî û got, “Êriş, planeke mezin û hovane li dijî Rojava pêk hat. Lê belê, bi ruhê fedakar yê şervanan, jinên azad û berxwedana gel, plan têk çû û dersek dîrokî ji dijmin re hate dayîn. Xeterî bi temamî bidawî nebûye. Ji ber ku dijmin ranazê divê çavên her kesî vekirî bin. Em bang dikin ku berxwedana gel berdewam bike. Armanca vê koma hunermendan ew e ku bêjin Kurd yek in. Ji ber ku hunermend dikarin ji siyasetmedaran bêhtir bigihijin dilê gel.”
Hunermend Luqman Selim jî got; “Me hunermendan peyama berxwedana parçeyên din ên Kurdistanê gihand Rojava. Ev piştgiriya Kurdan, bi taybetî li Başûrê Kurdistanê, bû sedem ku cîhan li ser mijara Rojava baxive û piştgiriyê bide berxwedana ku li wir tê lidarxistin.”
Hozan Şemdîn jî du sedemên sereke yên navnetewîbûna vê berxwedanê destnîşan kirin û got; “Ya yekem, Kurdan di navbera xwe de sînor nehiştin. Medyayê hişyariya zêdetir di nav gel de zêde kir, ku berxwedana Rojava kir mijarek girîng a cîhanî, rola girîng a medyayê û yekitiya gelê Kurd tekez kir.”
