DEM Partiyê ragihand ku dê Îlham Ehmed bi rêya vîdeokonferansê beşdarî Konferansa Navneteweyî ya Aştî û Civaka Demokratîk bibe.
DEM Partî di 6-7ê Kanûnê de Konferansa Navneteweyî ya Aştî û Civaka Demokratîk li dar dixe. Konferans dê li Navenda Çandê ya Cem Karaca ya navçeya Bakirkoyê ya Stenbolê pêk were. Ji Kurdistan, Tirkiyeyê û ji çar aliyê cîhanê dê gelek rewşenbîr û siyasetmedar tev li konferansê bibin û li ser pêvajoya li Tirkiyeyê û perspektîfên Rêberê Gelê Kurd Abdullah Ocalan nîqaşan bikin.
Konferans sibê saet di 10:00an de dê bi axaftinan dest pê bike. Ewilî dê Hevserokên Giştî yên DEM Partiyê Tuncer Bakirhan û Tulay Hatimoullari, Veysî Aktaş ku ji cem Abdullah Ocalan ji Girtîgeha Îmraliyê hat berdan biaxivin.
Îlham Ehmed jî tev li dibe
Her wiha li gorî bernameya ku Buroya Çapemeniyê ya DEM Partiyê belav kir; Hevseroka Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed jî dê bi rêya telekonferansê beşdarî konferansê bibe.
Li bendê bû ku Îlham Ehmed were Stenbolê û tev li konferansê bibe lê hat zanîn ku ji ber presodurên hiqûqî-qanûnî destûr nehatiye beşdariya wê ya konferansê pêk were.
Ji bo berfirehiya bernameya konferansê pê lînkê bike: Kurdî
