Înîsiyatîfa Melayên Kurdistanê bang li gelê Kurd kir ku li dijî êriş û dagirkeriyê parastina axê bikin. Înîsiyatifê da zanîn ku ji bo vê şer meşandin ferz e û ji hemû hêzen çar perçeyên Kurdistanê serkeftin xwestin.
Înîsiyatîfa Melayên Kurdistanê yên li deverên cuda yên cîhanê li ser dagirkirina axa Rojava û êrişên çeteyên DAIŞ, HTŞ, SMO ku ji hêla Tirkiyê ve tên rêvebirin, daxuyaniyek nivîskî da. Di daxuyaniya nivîskî de hate daxuyandin ku li dijî DAIŞên sûcdar û leşkerên kirêkirî yên girêdayî Emeviyan û piştgirên wan hewil didin Rojavayê Kurdistanê dagir bikin. Di daxuyaniyê de tê gotin ku Xwedê parastina xwe, malbat, netew û axa xwe pîroz kiriye û ev tişt hatin gotin: “
Şerê parastinê pîroz e
Di daxuyaniya Înîsiyatîfê de derbarê parastina ax û netewê ayet hatin dayîn û ev tişt hatin gotin: “Em wekî misilmanên bindestkirî û zulm lê kirî,
gazî dikin li xwediyên şeref,
li kesên xwedî lîsk û qeyran û li hemû kesên ku xwedî axlaq û mirovahiyê ne.
Her weha, bi taybetî gazî dikin li misilmanên bawer
ku bi şerîeta Îslamê bawer in. Bi me re li dijî vê êrîşa neheq û zordar
ya ji aliyê leşkerên kirêkirî û sûcdar ve tê kirin,
rawestin û bibin destek yek li dijî zulm û zordestiyê.
Em gazîya xwe ji Xwedê re dikin,
serkeftin ji bo bindestan bi destê wî ye û yên ku zulm kirin dê bizanin ku bi kîjan dawiyê vedigerin.”
Daxuyanî bi gotina, “Ya Xwedê, me serbixe û hemû bindestên cîhanê bi ser bixe.
Ya Xwedê, leşkerên me li Rojhilat, Rojava, Başûr û Bakurê Kurdistanê bi ser bixe” dawî kir.
