DTSOyê otobusek diyarî Amedsporê kir. Serokê DTSOyê Mehmet Kaya diyarkir ku Amedspor tîma gel e û got: ” Ameedspor bi saya gel, bi piştgiriya gel li ser pêyan e.”
Odeya Pîşesazî û Bazirganiyê ya Amedê(DTSO) li Tesîsên Şehmûs Ozer bi merasîmekê otobusek dîyarî Amedsporê kir. Bi vê minasebetê daxuyaniyek hat dayîn. Di daxûyanîyê de Serokê Odeya Pîşesazî û Bazirganiyê ya Amedê Mehmet Kaya û Serokê Amedsporê Nahît Eren axivîn.
Mehmet Kaya Amedspor wek tîma gel nirxand û got. “Amedspor bi saya gel, bi piştgrîya gel ser pêyan e, ji bo beredewamîya serkeftina tîma Amedsporê piştgriya gel û saziyan grîng e. Di vê çerçoveyê de me jî dît pêwistiya tîmê ji otobusekê heye. Bi rastî di kirîna vê otobusê de me gel û karsazan re hevdîtin kir û me got pêdiviya tîmê heye.”
Mehmet Kaya ji bo piştgriyê spasîya xwe ji gelek sazî û kesan re pêşkêş kir. Pîştî axavtina Mehmet Kaya, Serokê Amedsporê Nahît Eren axivî û got. “Em bi salan e bi hev re dixebitin, a niha ji bo Amedsporê DTSO ked dide, otobus diyarî me kirin, alîkarî didin. Em jî li ser navê Amedsporê, li ser navê alîgirên Amedsporê spasîya xwe dikin.”
Daxuyanî bi çepik û dîyarkirina mifteya otobusê bi dawî bû.
