Pirtûka bi navê “Çîroka Zarokên Roj û Agir I” a stranbêj Rotînda derçû. Di pirtûkê de nota û çîrokên 50 berhemên Rotînda cih digirin.
Li gorî nûçeya ANFê; jimara pirtûkên derbarê muzîka Kurdî de her çend hindik be jî zêdetir dibin. Pirtûkek muzîkê ya nû hat weşandin. Navê wê, “Çîroka Zarokên Rojê û Agir I” ye.
Pirtûk ji aliyê hunermend Rotînda û aranjor Merdan Zirav ve bi hev re hatiye amadekirin. Di pirtûkê de gotin, nota û çîrokên 50 stranên Rotînda cîh digirin. Notasyonên stranan û grafîka pirtûkê Merdan Zirav amade dike, gotinên stranan û çîrokan jî Rotînda dinivîse. Pirtûk bi mezinahîya A4 û 142 rûpel e.
Stranên ku di pirtûkê de cîh digirin ev in:
“Lo Vedat, Çar Stêrk, Dîrok, Yekitî, Gûlê, Egîd, Kedkar, Şervanê Gelê Me, Dildarê Min, Bê Te Nabe, Dilşo, Sîser, Bawerî, Oxir Be, Çima Tenê, Delala Min, Qêrîn, Gerîla, Koçberî, Zîlan, Çarçela, Benda Te Me, Veqetin, Sê Jinên Azad, Êvarda, Avaşîn, Bihişt, Li Te Geriyam, Carna, Biçilmisî, Avî, Erdal Heval, Welatê Min, Gimgim, Nîvcû, Şev Nîvê Şevê, Newroz, Axîn, Ji Kerema Xwe, Ya Star, Roboskî, Koîro, Kurdim, Tekoşîna Jin, Dîlanê, Wenda, Sakîne, Heval Atakan, Nabihîsin.”
Rotînda van stranan di navbera 1990-2019an de dinivîse û beste kiriye. Di pirtûkê de hatiye nivîsandin ku kîjan stran kengî û li ku hatiye çêkirin.
Rojên îmzeyê tê lidarxistin
Ji bo pirtûka “Çîroka Zarokên Rojê û Agirî I” dê di 27ê Kanûnê de li bajarê Hannoverê yê Almanyayê û di 14ê Çileya 2026an de jî li bajarê Baselê yê Swîsreyê roja îmzeyê dê were lidarxistin.
Merdan Zirav derheqê pirtûkê de got: “Em cîlda duyemîn a pirtûkê jî amade dikin. Di cîlda duyemîn de jî dê 50 stran bi gotin, nota û çîrokên wan cîh bigirin.”
Dema cîlda duyemîn jî were weşandin, dê bi tevahî 100 stran bi gotin, nota û çîrokên wan hatibin belgekirin.
