TJA û Şeredariya Deşta Darê, bi minesebeta 8ê Adarê Roja Jinên Cihanê li bajarokê Deşta Darê dar çandin.
Tevgera Jinên Azad (TJA) û Şeredariya Deşta Darê, di çerçoveya bernameyên 8ê Adarê Roja Jinên Cihanê, li bajaroka Deşta Darê bi jinan re kom bûn û dar çandin. Dayikên Aştiyê û gelek jin tevlî bernameyê bûn. Jinên ku li ber şeredariya Deşta Darê kom bûn li ber dahol û zornayê govend gerandin. Piştre jin bi meş çûn teketina bajarokê Deşta Darê û li wir dar çandin. Jinan bi berz kirina dirûşmeyên, “Jin jiyan azadî” û “Bijî 8ê Adarê” dar çandin. Dayikên Aştiyê destnîşan kirin ku ew li dijî birîna daran û talan kirina xwezaya Kurdistanê daran diçînin û ew ê xwedî li xwezayê derkevin.
Piştî çandina daran bernameya jin li hewşa şeredariyê civiyan û li ser wateya 8ê Adarê ji bo jinan axivîn. Jinan destnîşan kirin ku ew ê li dijî qîrkirina jinan û tecrîda li ser Rêberê PKKê Abdullah Ocalan têkoşîna xwe mezin bikin. Her wiha ji bo mîtînga 7ê Adarê ya navçeya Silopiyayê jî bangavazî hat kirin. Piştî axaftinan bernameya jinan bi çepik û berzkirina dirûşmeyan bi dawî bû.
