Meclîsa Jinên DBP û Genel-Îşê wêneyên jinên ku hatin kuştin ji ser Pira Deh Derî bera Çemê
Dîcleyê dan.
Meclîsa Jinên DBP û Genel-Îşê ji bo jinên ku hatine qetilkirin çalaki li dar xist. Gelek jin ên ku li ser Pira Deh Derî ya navçeya Sûrê ya Amedê kom bûn û dirûşmeya “Jin jiyan azadî” û “Mêr dikuje dewlet diparêze” berz kirin.
Seroka Genel-Îşê ya hejmara 1 a Amedê Heval Anahtar Kaya daxuyanî xwend. Heval Anahtar Kaya bal kişand li ser jinên karker û mafên wan tên binpêkirin û wiha got: “Tundiya li ser jinê polîtîk e. Destê xwe nedin ked, beden û nasnameya me. Em wek sendîka bang dikin ku li
hemberî mêtingeriya hişmendiya mêr pêwîste ku em piştgirî bidin hev.”
Piştî daxuyaniyê jinan wêneyên jinên ku hatine kuştin ji ser Pira Deh Derî bera Çemê Dîcleyê dan. Çalakî bi berzkirina dirûşmeya “Jin jiyan azadî” bi dawî bû.
