Avûkat Şukru Alpsoyî vat: “Seba ke semedê tepişteyanê ke cezaya muebetê giranî girewta serûberkerdişê heqê hêvî çîn o, seba ke qedexeyê veradayîşê bişertî dewam keno no serûberkerdişê înfazî seyyewbînîye ra dûr o.”
Serûberkerdişê înfazî yê Paketa Hukmî ya 10. meclîsî rê ame pêşkêşkerdene. Na paketa ke pawitişê şarî nêardî ca xeylê serûberkerdişê ci zî seyyewbînîye ra dûr ê. Endamê Komeleya Huqûqî ya Seba Azadîye (OHD) Avûkat Şukru Alpsoyî na pakete erjnaye.
Avûkat Alpsoyî ard ziwan ke bitaybetî serûberkerdişê vera tepişteyan ê nêweşan de problem est o û tepişteyanê ke cezaya muebetê giranî girewta teberê serûberkerdişî de mendê ke çîyo winayên nîno qebulkerdene û vat no serûberkerdiş xora tepişteyanê bînan rê ameyêne caardene, seba ke muebetê giranî tede ca nêgenê no çîyê ko newe nîyo.
Avûkat Alpsoyî nê vatî: “Paketa înfazî ya newî de semedê seyyewbînîya înfazî, tepişteyan ê nêweşan ya zî heqê hêvî serûberkerdişêk çîn o. Eşkerayîyan de yeno vatene ke semedê nê wa payîz bêro pawitene la şarî verê Roşanê Qûrbanî pawitêne. Nê hetî ra no serûberkerdiş zaf kêm o heta senî ke çîn bo. Reyna ameyêne pawitene ke serûberkerdişê 31ê temmuza 2023yî de bedilnayîşêk bêro kerdene la no zî nêbi. Eslê xo de no pratîkê politikaya huqûqê cezaya duşmenî ya. Gerek no werte ra bêro wedaritene, sere de tepişteyê sîyasîyî pêro tepişteyî nê seyyewbînîye ra feyde bikerê. Kesê ke bi desan qeydê sûcê înan est ê semedê înan heqê veradayîşê bişertî est o la tepişteyê sîyasîyî yê ke rîyê sebebanê polîtîkan ra û seba ke edîl nêameyî muhakemekerdene cezaya muebetê giranî girewta semedê înan heqê hêvî de serûberkerdiş nêameyo kerdene. No serûberkerdişê înfazî kêm o, gerek serûberkerdişê neweyî cade bêrê kerdene.”
