Merkezê Cigêrayîşanê Qade ya Sosyo Polîtîkî mabênê 22-26ê adare de Amed, Riha, Dîlok, Wan, Mardîn, Batman, Qers, Îdir, Mûş û Bêdlîs de 16 şaristanan de cigêrayîşêk kerd. Antek qadan de keyeyan de rî bi rî hezar û 509 kesan reyde ame kerdene.
Goreyê se ra 62,3ê beşdaran ‘krîzê aborî û bêkarîye est o’ sey problemêko sereke yê Tirkîya vînenê. Se ra 23,7ê beşdaran meseleyê kurdî, se ra 6,7ê beşdaran zî ‘şer’î sey problemêko sereke vînenê. Vengdayîşê ‘Aştî û Komelo Demokratîk’ ê Rayberê Şarê Kurdî Abdullah Ocalanî beşdaran rê ame perskerdene. Se ra 54,6ê înan vengdayîşî ‘pozîtîf’ dî, se ra 14,7î ‘negatîf’ dî. Se ra 18ê beşdaran zî dîyar kerd ke ê tedeyîyanê vengdayîşî nêzanê.
Seba persê ‘Gelo şima bawer kenê ke vengdayîşê Ocalanî aştî bîyaro Tirkîya?’ se ra 42,4ê beşdaran vat ‘Eya’, se ra 21,9ê beşdaran vat ‘Nê’, se ra 18ê beşdaran vat ‘tayê hetan ra’, se ra 17,7ê înan vat ‘Tedeyîyanê vengdayîşî nêzana’. Seba persê ‘Gelo vengdayîşê Ocalanî do meseleyê kurdî çareser bikero?’ se ra 41,8ê beşdaran vat ‘Eya’, se ra 21,8ê beşdaran vat ‘Nê’, se ra 18,7î vat ‘Tayê hetan ra.’
Waştişê heqê hêvî kenê
Seba rayraşîyayîşê prosesî persê ‘Ganî kamcîn bedilnayîşî bêrê kerdene?’ ame perskerdene. Tayê cewabî wina yê:
Bedilîyayîşê qanûnê înfazî: Se ra 65î vat ‘Eya’, se ra 13î vat ‘Nê’, se ra 22î vat ‘Ez bêqerar a.’
Hewanayîşê qanûnê têkoşînê vera terorî: Se ra 60,4î vat ‘Eya’, se ra 17,8î vat ‘Nê’, se ra 21,9î vat ‘Ez bêqerar a.’
Rastkerdişê seba veradayîşê girewteyanê nêweşan: Se ra 68,5î vat ‘Eya’, se ra 13,3î vat ‘Nê’, se ra 18,2î vat ‘Ez bêqerar a.’
Rastkerdişê seba şinasnayîşê qanûnê Heqê Hêvîye: Se ra 68,9î vat ‘Eya’, se ra 12,6î vat ‘Nê’, se ra 18,5î vat ‘Ez bêqerar a.’
Garantîya pawitişê qanûnî ya rayberanê prosesî: Se ra 66,7î vat ‘Eya’, se ra 12,6î vat ‘Nê’, se ra 20,7ê vat ‘Ez bêqerar a.’
Qedînayîşê tayînkerdena qeyûman: Se ra 71,2î vat ‘Eya’, se ra 12,7î vat ‘Nê’, se ra 16,2î vat ‘Ez bêqerar a.’
Parekerdişê efûyo pêroyî: Se ra 60,4î vat ‘Eya’, se ra 19,5î vat ‘Nê’, se ra 20,1î vat ‘Ez bêqerar a.’
Goreyê encamanê anketî reyna nisbetê rayanê AKP’yî serra 2023î ra heta ewro 9,5 pûanî kêm bîyê, nisbetê rayanê DEM Partî zî 1.9 pûanî vêşî bîyê.
