Endamê Înîsîyatîfê Komelî yê seba Aştî û Akademîsyenê Aştî seba ke tewrê Newroza Amedî bibê Anqara ra bi trêne rayîr kewtê.
Înîsîyatîfê Komelî yê seba Aştî û Akademîsyenê Aştî ra heyetêk seba ke Amed de tewrê “Newroza Azadîye” bibo Anqara ra bi trêne vera xo daye Amed. Seba ke qada Newroze de vajê; “Ma aştî û demokrasî de israr kenê” û seba proses binê teqezîya hiqûqî de bo û gamê lazimî bêrê eştene, şonê Amed û do bi raywanîyêka 24 saete biresê Amed.
Înîsîyatîfê Komelî yê seba Aştî derheqê babete de beyanatêk da û wina vat: “Proses o ke teşrîna verêne ya 2024î ra nat dest pêkerdo, dewam keno. Demo ke seba çareserîya meseleyê Kurdî ya bi rayîrê demokratîk û aştîyane ber ame akerdene, destbendkerdişê Şaredarê Stenbolî yê Şaristanê Girdî Ekrem Îmamoglu û zafêrî 100 hebî emabzanê ey, mojneno ke îradeyê şarî nas nêkenê. Bi taybetî zî cinîyê ke 8ê Adare Roja Cinîyan a Dinya de vejeyê kuçeyan zşlmo ke vera muxalefetî yeno kerdene, rayîrê aştî gêno. Qirkerdişo de ke vera Elewîyanê Sûrîye ame kerdene mojneno ke seba aştîya welatî û herême ganî wext nêro vîndîkerdene.”
