Merkezê heqanê cinîyan ê baroyanê bajaranê Kurdîstanî derheqê cipersayîşê dewaya Gulistan Doku de Dêrsim de verê edlîye de eşkerayîye daye. Huqûqnasan vat erekewtişê dosya bawerîya sîstemê edaletî zeîf kerd.
Merkezê heqanê cinîyan ê baroyanê bajaranê Kurdîstanî derheqê cipersayîşê dewaya Gulîstan Doku de Dêrsim de verê edlîye de eşkerayîye daye. Hetkara Serekê Yewîya Baroyan a Tirkîya Bahar Candemir zî tewrê eşkerayîye bîye.
Huqûqnasan vat seba ke cipersayîşo pêt nêame rayraberdene, delîlî wextê ci de nêameyî arêdayene, proses zelal nêame rayraberdene, heqê cuye ame binpaykerdene. Bale ameye antene dosyayanê sey dosyaya Doku ser ame vatene ke no çîyêko sîstemkî yo.
Baroyan vat bi delîlanê neweyan dosya ameye merhaleya krîtîke û veng da ke wa heme berpirsîyarî vejîye verê hukmî. Eşkerayîye de ame waştene ke îdiaya derheqê wezîfedaranê dewlete wa bi hewayêkê xoserî bêrê cipersayene.
Serekê Baroyê Dêrsimî Dogukan Kudatî vat ê do dosya teqîp bikerê. Bahar Candemir zî vist vîrî ke keyeyê Doku bi serran o safîkerdişê dewa paweno û vat ganî heme dosyayê winayinî bêrê zelalkerdene.
