Îfadeyê 2 xebatkaranê Nexweşxaneyê Dewlete yê Dêrsimî ke çarçewaya cipersayîşê aqûbetê vîndîkerdişê Gulîstan Doku de ameybî destbendkerdene, qedîya, sewqê dozgerîye ameyî kerdene.
Cipersayîşê derheqê aqûbetê Gulîstan Doku de ke vîndî bîbî û agahî ci ra nêameyêne girewtene, dewam keno. Çarçewaya nê cieprsayîşî de, xebatkarê beşa enformasyonî yê Nêweşxaneyê Dewlete yê Dêrsimî Burçîn Yerlîkaya û Yucel Erdem ameybî destbendkerdene.
Ameye eşkerakerdene ke îfadeyê her di kesan ê Mudirîya Ewlekarî ya Dêrsimî de qedîyayo. Yerlîkaya û Erdem, seba ke îfadeyê înan hetê dozgerîye ra bêro girewtene, sewqê Edlîyeya Dêrsimî ameyî kerdene.
