Rayberîya Ewleyîya Pêroyî ya Tirkîya eşkera kerd ke cipersayîşê hêrişê wendegehî ser o qezaya Sêwregi ya Riha de 16 kesî ameyê destbendkerdene.
Qezeya Sêwregi ya şaristanê Riha de 14ê nîsane de ciwanêk pê tifingî hêrişê Wendegehê Meslek û Teknîkî yê Ahmet Koyuncu kerdbi.
Netîce de 10 wendekarî, 4 mamoste, polîsêk û karkerêkê marketê wendegehî birîndar bîyî. Wendekaro ke hêriş kerdbi, pê eynî tifingî xo kişt.
Badê hedise hetê dozgerîye ra cipersayîş ame destpêkerdene û 2 berpirsîyarê wendegehî û 2 berpirsîyarê hêzê ewleyî karî ra ameyê dûrvistiş.
Rayberîya Ewleyîya Pêroyî ya Tirkîya sere sibayî eşkera kerd ke cipersayîşê hêrişê wendegehê ser o de 16 kesî ameyê destbendkerdene.
