Ciwanî bi sloganê, “Ma tarîtî ra ver bi roşnîye rayra şonê” do prosesê peyênî Amed de munaqeşe bikerê. Sîyasetmedarê kurdî Veysî Aktaş û Çetîn Arkaş zî do beşdarê kombîyayîşê ciwanan bibê.
Meclîsê Ciwanan ê DEM Partî û Yewîya Wendekaranê Azad ê Dîcleyî bi sloganê, “Ma tarîtî ra ver bi roşnîye rayra şonê” ciwanan reyde kom benê. Meclîsê Ciwanan ê DEM Partî derheqê kombîyayîşê ciwanan da hesabanê xo yê medya dîjîtal ser o mesajêk vila kerd. Mesajî de agahîyê derheqê kombîyayîşî de ameyê dayene û seba heme ciwanan vengdayîş ame kerdene ke beşdarê kombîyayîşî bibê. Mesajî de ame dîyarkerdene ke sîyasetmedarê kurdî Veysî Aktaş û Çetîn Arkaş zî beşdarê kombîyayîşî benê ke do 15ê sibate saete: 10:00î de Merkezê Kongre û Kulturî yê Çand Amedî de bêro kerdene.
‘Do proses bêro munaqeşakerdene’
Mesajê Meclîsê Ciwanan de ame dîyarkerdene ke do kombîyayîşî de proseso peyên bêro munaqeşakerdene û wina ame vatene: “Seba beşdarîya kombîyayîşî ma sere de veng danê ciwan û heme embazanê xo yê Kurdîstanî ke beşdar bibê.”
