Endamê Meclîsê Dayîkanê Aştî yê Botanî seba ke tewrê rayîrşîyayîşê herişanê kurdan Helebî ser o verê xo da Anqara. Dayîkan vat ke aştî zî şer zî Anqara reyde benê.
Meclîsê Dayîkanê Aştî yê Botanî seba hêrişanê taxanê Eşrefîye û Şêxmeqsûd ê Helebî şermezar bikerê, verê xo da Anqara. Endamê Meclîsê Dayîkanê Aştî yê Botanî û xeylê rayberê partîyanê sîyasî, temsîlkarê sazgehanê demokratîk û welatijî vernîya awanîya DEM Partî ya Cizîrî de ameyê têhet. Girseyo ke kom bi verê ke dayîkî bikewê rayîr, sloganê, “Rojhelat Rojava Kurdîstan yew welat o” , “Bijî berxwedana Rojava”, “Bijî berxwedana Şêxmeqsûd” vatê.
Dayîkê ke verê xo dayo Anqara dîyar kerd ke ê seba vindarnayîşê şerî şonê Anqara. Dayîkan îfade kerd ke rayîrê aştî zî rayîrê şer zî Anqara de destpêkene û da zanayene ke do seba ney xover bidê, Anqara û şerî şermezar bikerê.
Dayîkî bi sloganê, “Rojava rûmetê ma yo” û bi çepikan a ameyê oxirkerdene.
