DEM Partî destbendkerdişê hemşaredaranê xo yê Akdenîzî û dormegirewtişê awanîya şaredarîye ser o reaksîyon nîşan da û va: “Dişmenîya Îqtîdarî vera kurdan dewam kena. Ma do nê polîtîkayanê şima bin fînê.”
Hemşaredarê Qezaya Akdenîzî ya Mêrsînî Hoşyar Sariyildiz û Nurîye Aslan û endamê Meclîsî no serê sibayî keyeyanê xo de ameyî destbendkeriş. Ame zanayene ke polîsan dormeyê awanîya şaredarîye zî girewtbî. Sebebê tepiştişê hemşaredaran nêame zanayene.
DEM Partî derheqê destbendkerdişê hemşaredaranê xo û şaredarîya xo de hesabê xo yê medya dîjîtalî ser o îzahat da.
Îzahatî de DEM Partî wina ya: “No serê sibayî Hemşaredarê Akdenîzî ameyî destbendkerdene, hemşaredarê ma Hoşyar Sariyildiz, Nurîye Aslan û endamê meclîsî ameyî destbendkerdiş. Îqtîdar her ca de dişmenîya xo ya vera kurdan dewam kene. La ma do bi têkoşînê xo nê polîtîkayan bin fînê.”
Rêxistina bajarî seba wayîrvejîyayîşî veng da
Hetêko bîn ra Rêxistina DEM Partî ya Mêrsînî vera destbendkerdişê hemşaredaran û endamanê meclîsî reaksîyon nîşan da û waşt ke her kes bêro vera awanîya şaredarîye û îradeyê xo û şaredarîya xo rê wayîr vejîyo.
