Hetê Komela Kultur û Hunerê Çewlîgî ra do 5ê Gulane de fîlmê ‘Valahî’ Çewlîg de bêro nîşandayene.
Komela Kultur û Hunerê Çewlîgî seba pawitiş û averberdişê kultur û ziwanê kirdkî/kirmackî xebate kena. 5 gulane de do nîşandayîşê fîlmê Valahî virazo. Rejîsorê Fîlmî Alî Kemal Çinar o. Kaykerdoxî: Kerem Firtina, Hîcrî Demîr, Lîsa Çalan û Mehtap Yildirim ê.
Mewzûyê fîlmê Valahî, ziwan û nasname yo
Mewzûyê vîndîbîyayîşê ziwanê dayîke, şîddeto sembolîk, têkilîya ziwan û bedenî, pêkewtişê nasnameyî û apey de ameyîşê nimiteyan a. Zaf wextêko derg o ke zerrîya Baranî dejena. Baran na nêweşî ver eciz beno. Vengê qîrayîşê zerrîya xo ver dorûverê xo yê sosyalî ra dûr keweno. Fek karê xo ra veradano û nêşino kar. Şino hetê doktor Havîn Xane, doxtore vengê qîrayîşê ey ra yewna kewena şuphe û hîna nêzdî ra eleqe mojnana û serê problemê Baranî de vindena. Gama ke Havîn Xan û Baran pîya şinê werdxanê, Havîn Xane bena şahidê çîyêko xerib, ferq kena ke Baran Zereyê xo de kurdkî qal keno.
Baran nê vengî ra çîyêk fehm nêkeno çike o wext kurdkî nêzano. Naye ra dima Havîn Xan nêzdî ra eleqe mojnena vengê zereyê Baranî, no hîkaye vurîyeno hetêko bîn ser raye gêno.
Nîşandayîşê fîlmî 5ê gulane roja seşeme saete 18:00 de do bînaya Komela Kultur û Hunerê Çewligî de bêro kerdene.
