Heyetê Îmraliyê ke Pervîn Buşdan û Faîk Ozgur Erolî ra ameyêne pê, dima ke Rayberê Şarê Kurdî Abdullah Ocalanî reyde pêvînayîş kerd agêra û eşkerayî daye. Pervîn Buldan dîyar kerd ke pêvînayîş pozîtîf vîyarto û mesajê Abdullah Ocalanî yê seba Sirri Sureyya Onderî pare kerd.
Endamê Heyetê Partîya Têduştî û Demokrasîyî ya Şaran (DEM Partî) Pervîn Buldan û avûkatê Buroyê Hiqûqî yê Seserrî Faîk Ozgur Erol seba ke Rayberê Şarê Kurdî Abdullah Ocalanî reyde pêvînayîş bikerê, serê sibayî şîyê Îmrali. Endamê heyetî pêvînayîşî ra pey Girawa Îmraliyî ra agêrayê. Endamê heyetî agêrayîşî ra pey eşkerayî daye. Nameyê heyetî ser o Pervîn Buldan qisey kerd û wina vat: “Ma nêzdîyê 2 saete û nêm pêvînayîş kerd. Pêvînayîşî ra pey ma agêrayê. Babeta ewil û sereke weşîya Sirri Sureyya Onderî bîye. Birêz Abdullah Ocalan vat ‘Ez babete nêzdî ra taqîb kena. Ez heme xeberan taqîb kena. Ez seba rewşa Sirri Sureyya Onderî zaf xemgîn a.’ Vat ‘Ez hêvî kena demêko nêzdî de baş bibo. Ez hêvîya xo ya derheqê prosesî de pawena.’ Û hêvîyê xo îfade kerdê.
Rêzdar Abdullah Ocalanî rewşa Sirri Sureyya Onderî ser o peyam erşawit û vat:
Seba Sirri Sureyya Onderî,
Seba nêweşîya Sirriyî şîfaya xeyrine wazena. Keya, dost û heskerdoxanê ey rê vana berzîno xeyrin bo. Ez Sirri Sureyya Onderî reyde 12 serrî xebitîyaya. Muhîmîya ey wina ya:
Semsûr ra yo. Kokê Turkmenan ra yo. Tradîsyonê Baba Îshakî temsîl keno. Hewldayîşê aştîya pîle mojnaye komelî. Şexsê xo de verhukmê komelî şikna. Verhukmê komelî şiknayê. Verhukmî meclîsî de şikna. Kuçe de şikna. Çîyo ke ma vanê aştî genê Anadoliyî, mendekerdişê tradîsyonê Turkmenan û kerdişê vîyartbarî yo. Onderî kesayetêko winasîn o. Cewherê Turkmenîya rastîne zî wina yo. Nasnameyo tewr baş ê aştî û nasnameyo tewr baş ê kulturî o yo ke vera ferasetî ‘bi israr bikera dişmen û bi nê hewayê sîyaset bikera’ têgêrayîşo.
Kulturê Onderî yê têkoşînê vera çîyanê negatîf û negatîfîyan reyde rayraberdiş xeylê muhîm o. Negatîfîyê ke vejeyê orte bêyê ke înan xorîn bikero, ê kerdê çîyê pozîtîfî. Kesê ke girêdayeyê ey ê ganî hewldayîşanê ey yê aştî zî dekerê pratîk. Reyna ez seba ey, keyeyê ey û heskerdoxanê ey vana, berzîno xeyrin bo. Ez hêvî kena ke demêko kilm de baş bibo û bi çoş û bi hêz bêro ma mîyan.”
Sey heyetê Îmraliyî ma reyna vanê berzîno xeyrin bo.”
