Heyetê ke Qeterî seba muzekkereyanê mabênê DYA û Îranî de resa Tehran.Yeno pawene ke peymana adirbestî ewro bêro îmzakerdene.
Prosesê dîplomatîk ê seba qedênayîşê şerê Dewletê Yewbîyayeyî yê Amerîka (DYA) û Îranî qonaxa peyênî de yo. Heyetê ke Qeteri seba çareserkerdişê nêpêkerdişan û temamkerdişê peymane, resa paytextê Îranî Tehran.
14 madeyan ra pê yeno
Goreyê agahîyan verkarê peymane 14 madeyan ra pê yeno. Mîyanê şertan de; vindarnayîşê şerî, wedaritena ambargoyanê petrolî, akerdena Neqebê Hurmizî û veradayîşê pereyanê Îranî yê dest ser nayene estê. Muzekkereyê nukleerî zî do seba badê şerî bêrê peydeeştiş.
Ganî ewro îmza bêrê eştene
Serekê DYAyî Donald Trumpî dîyar kerd ke peymane do ewro (14ê Hezîranî de) bêro îmzakerdene. La çimeyê Îranî eşkera kenê ke erjnayîşê înan hema dewam kenê. Yeno paweyê ke peymane heta peynîya roje serê mecraya elektronîkan de bêro tesdîqkerdene.
