Numan Kurtulmuş kombîyayîşê komîsyonê Mêclîsî de qisey kerd û vat: “Êdî wextê ci ameyo ke ma îmkan û hêzê azadîye, têduştî û edaletî bi vengêko berz qisey bikerê. Şarê ke yewbînan ra ameyê abirnayene, heq kenê ke bi vengêko berz yewbînan bieşnawê.”
Çarçewaya prosesê çareserîya meseleyê kurdî de Meclîs de komîsyon ame awankerdene. Komîsyon Meclîs de kombîyayîşê xo yo ewilîn keno. Serekê Meclîsî Numan Kurtulmuş ke bi endamanê partîyanê sîyasî yê ke komîsyon de ca gênê, înan reyde ame têhet û kombîyayîşî de qisey kerd.
Tayê babetî ke qiseykerdişê Kurtulmuşî de vejîyayê vernî wina yê: “Komîsyonê ma, ewnîyayîş û îradeyêko newe seba meseleyo ke bi desan serrî yo enerjîyê welatê ma qqedîneno, wa û birayîye qels keno û hetê tayê kesan ra yeno provekerdene, seba nînan o. Bêguman tîya de meseleyê ma yo esasî nuştişê destûrê bingeyîn, reformê hiqûqî yan zî reyêk de çareserkerdişê heme probleman nîyo. Îradeyê ardişê vîrî ê çî yo ke Meclîs vengê şar o, barantoxê aştîya komelkî, temînatê wa û birayî û adreso rewa yê çareserî yo. Bi hesabanê sîyasî, pênase û musnayoxê teng nê; nameyê têgêrayîşî yo bi cesaret, bi wijdan û bi edalet o. Seba ke proseso ke bi temamî bêvengkerdişê çekan ê rêxistine û xofesihkerdişê aye dest pêkerdo, tena meseleyê kes, sazgeh yan zî awanîyêka sîyasî nîyo. Meseleyê mîletê ma yê ezîz o. Qîmetê Komîsyonê Meclîsî zî tam tîya de yo. No komîsyon seba xurtkerdişê manewîyatê komelî, mendekerdişê wa û birayî, qebulkerdişê cîyayîyanê xo û sertkerdişê cuya hempare vengdayîşêk o.
Wextê ci ameyo ke ma bi vengêko berzêr qisey bikê
Serdemo newe mecbûr o ke bibo serdemêko winasîn ke tede sîyaset, fikir û wijdanî yenê qiseykerdene. Labelê ewleyî êdî wextê ci ameyo ke ma îmkan û hêzê azadîye, têduştî û edeletî bi vengêko berzêr qisey bikerê. Wezîfeyêko bîn ê nê komîsyonî zî no yo. Şarê ke Şero Yewin ê Dinya de yewbînan ra ameyê aqitnayene, heq kenê ke yewbînan bi vengêko berzêr bieşnawê. Ganî her gam ke ma erzenê, seba xurtkerdişê aştî û wa û birayîya na cografyaya qedîme biba. Na çarçewa de ‘Tirkîyaya Bêterore’ esasê xo de yeno manaya herêma bêteror. Embazê min ê bi qedir ê parlamenterî, miletê ma yo ezîz; zaf eşkerayo ke wa û birayîya tirk û kurdan babeta sereke ya cografyaya ma ya. Ma torinê ê kesanî ke Çanakkale de dest dayo yewbînan. Wa û birayî o yo ke rişnayîşê gonî de, dej û hêvî de merdim pîya rayra şêro.”
