MHP’ij Fetî Yildiz proseso ke seba çareserîya problemê kurdî dest pêkerdo ser o va ke lazimîya newe ra dîzaykerdişê Qanûnê Muhakemeya Cezaye, Qanûnê Cezaya Tirkî û Qanûnê Têkoşînê Terorî de est a.
Endamê Komîsyonê Demokrasî, Wayûbira û Paştdayina Netewîye û Hetkarê Serekê Pêroyî yê MHP’î Fetî Yildiz newe ra dîzaynkerdişê qanûnan ser o eşkareyêk da.
Fetî Yildiz va ke komîsyonêko Meclîs de ameyo ronayene, seyî ra 90î pêroyîya Tirkîya temsîl keno û wina va: “Proseso ke dest pêkerdo, firsetêko tarîxî yo. No ser zî lazimîya newe ra dîzaykerdişê Qanûnê Muhakemeya Cezaye, Qanûnê Cezaya Tirkî û Qanûnê Têkoşînê Terorî de est a. Adalet tena seba cezakerdişî çin o, adalet seba rindkerdişî zî est o.”
