Ame eşkerakerdene ke Kurdkî de heyecanêko newe dest pêkeno. Kanalê xeberan yo newe ke bi temamî bi kurmancî yo, NÛÇE TV, rojêka bimana de yanî 15ê Gulane Roşanê Ziwanê Kurdkî de dest bi weşanê xo keno.
NÛÇE TV dest bi weşanî keno. Kanalî nêzdîyê wextêk o ke weşanê testî kerdêne. NÛÇE TV hesabê xo yê medyaya dîjîtale ser o eşkere kerd ke 15ê Gulane Roja Roşanê Ziwanê Kurdkî de dest bi weşanê xo keno. NÛÇE TV nê mesajî pare kerd: “Bi ekranêko NEWE, raywanîyêka NEWE û sey televîzyonêkê neteweyî, roja ziwanê Kurdkî de ma dest bi weşanê xo kenî.”
Kanal do weşananê xo de ca bido her babete. Polîtîka ra heta aborî, heqanê merdiman ra heta kultur û hunerî, heme hedîseyî do bi perspektîfêko profesyonel bêrê weşanayene.
Merdimî senî eşkenê televîzyonî taqîb bikerê?
Seba ke şarê kurd û taqîbkerdoxê xeberan bi rehetî biresêweşanî, NÛÇE TV bi kalîteya HD serê peykanê Hotbird û Nilesatî de do weşanê xo bikero. Sewbîna weşanê gandarî û xeberê taybetî do keyepel û platformanê dîjîtalan ê kanalî ser o zî bêrê parekerdene.
