Vervatoxanê Partîya Kumunîste ya Avusturya ra Tobias Schweigerî îfade kerd ke Têgêrayîşê Azadîye yê Kurdan bi fedakarîya tarîxî semedê aştî game eşte û vat gerek bi paştîdayîşê mîyanneteweyî cewabê na game bêro dayene.
Vervatoxanê Partîya Kumunîste ya Avusturya ra Tobias Schweigerî derheqê Vengdayîşo tarîxî yê Rayberê Şarê Kurî Abdullah Ocalan û gama tarîxî ya ke Grûba Aştî û Komelê Demokratîkî 11ê temmuze de eşte, ajansê ANFyî rê erjnayî.
Schweigerî nê vatî: “Ma paştî danê çekronayîşê PKK’yî. No semedê aştî gamêka muhîm a. Gerek no zî bêro zanayene Têgêrayîşê Kurdan na game bi fedakarîyêka pîle eşte. Ma paştî danê kurdan. Gerek hukmatê Tirkîya, Surîye û Iraqî cewabê na game bidê. Şarê kurdî hema zî binê zextê giranî de yo, heqê ci yê xoîdarekerdişî nêyenê naskerdene. Gerek raya pêroyî ya mîyanneteweyî vera nê bêveng nêmana. Na bêvengî hêz dana polîtîkayanê zextî. Gerek vera hukmatê Tirkîya, Surîye û Iraqî zexto mîyanneteweyî bêro kerdene. Têgêrayîşê Azadîye yê Kurdan semedê aştî destê xo kerd derg. Gerek paştî bidîyo nê vengdayîşî. Tena wina verê aştî yeno akerdene. Reyna gerek heqê tayînkerdişê qederê xo yê kurdan bêro rojev.”
