Şertê kontrolê edlî yê rojnamegeran Semra Turan û Melîke Aydin ame wedarnayene.
Muxabîrê Ajansa Mezopotamya (MA) Semra Turan û Tolga Guney û muxabîra JINNEWS’î Melîke Aydin seba xebatanê xo yê rojnamegerîye bi îdîaya “endamtîya rêxistine” yenê muhakemekerdene. Mehkemaya 13. ya Cezaya Girane ya Îzmîrî de roniştişê verên ê dewaya înan ame dîyene. Mehkema, badê her mudafayî bi hewayêko cîya cîya qerarê xo eşkera kerd.
Mehkema qerar da ke şertê kontrolê edlî yê hepsê keyeyî yê Melîke Aydin û şertê kontrolê edlî yê Semra Turan bêrê wedarnayene. Şertê kontrolê edlî yê şîyayîşê teberê welatî yê her di rojnamegeran nêame wedarnayene. Roniştiş taloxê 12ê gulan bi.
Derheqê Tolga Guneyî de hema qerar nêameyo dayene.
