Seba mîtîngê Roşanê Karkeran ê 1ê Gulane Swîsre Rayberê Şarê Kurdî Abdullah Ocalanî sey qiseykerdox dawet kerd.
Seba mîtîngê Roşanê Karkeran ê 1ê Gulane ke do Şaristanê Zurîhî yê Swîsreyî de bêro kerdene, Rayberê Şarê Kurdî Abdullah Ocalan sey qiseykerdox ame dawetkerdene. Dawetname hetê Komîteya Amadekarîye ya 1ê Gulane ra ame erşawitene ke komîte 60 dezgehan ra yeno pê.
Komîte dawetname Zindanê Îmraliyî rê erşawit. Dawetname de wina ame nuştene: “Ma xîret û perwerîya to ya seba aştî û demokrasîyî zanê. Fikrê to Rojhelato Mîyanên, Ewropa û xeylê cayanê dinya de seba awankerdişê komelê demokratîkî yenê wendene, nîqaş benê û tesdîq benê.
Sey Komîteya 1ê Gulane ma her tim paştî danê têkoşînê kurdan ê seba azadîye, demokrasî û heqê dîyarkerdişê çarenusê xo.
Ti hetê xeylê kurdan ra sey temsîlkarê sîyasî yenî qebulkerdene. Coka ma hêvîdar ê ke 1ê Gulane de ma to mîyanê xo de zî bivînê.”
