Cinazeyê Hunermenda Kurd Ayşe Şane 29 serrî ra dima Îzmir ra ard Amed. Cinaze bi goristanê Yenîkoya Rezanî de amê definkerdene.
Hunermenda Kurd a namdare Ayşe Şane 29 serrî naye ra ver Îzmîr de şîbî heqîya xo û cinazeyê aye Îzmîrde amebî wedardene. Ayşe Şane 18ê Qanûna 1996an de Îzmîr de weşîya xo dabî. Ayşe Şane hîna ke nêşîbî heqîya xo wesêt kerdbî vat bî, “Eke ez merde cinazeyê mi berê Amed.”
Serê wesêta Ayşe Şane 29 serrî ra dima cinazeyê aye bi pêşengîya Şaredarîya Şariştana Girde ya Amedî de ame ardene. Hunermendanê Kurdan û Temsîlkarê şaredarîye cenazeyê Ayşe Şane Goristana Yenîkoy a Rezanî de pê yew merasîmeko gird ame definkerdene.
Seba ke wesêta Ayşe Şane bêro ca wekîlanê DEM Partîye, Hemserekanê Şaredarîyan, hunermendan, roşinbîran, temsilkaranê sazîyan û keyeyê Ayşe Şane ra kesan û welatijan merasîm de ca girewt.
