Hemserekê DEM Partî yê Pêroyî Tuncer Bakirhan û Tulaye Hatimogullari verba xespkerdişê Şaredarîya Sêrtî hêrsê xo ard ziwan û vat: “Xayîntîya sîyasî û haştîye û demokrasî têhete nêbenê.”
Hemserekê DEM Partî yê Pêroyî Tuncer Bakirhan û Tulaye Hatimogullari hesabanê xo yê medyaya sanale ra verba darbeya qeyûmî nêrazîbîyayîş mojna.
Tuncer Bakirhanî vat: “Hîlekarîya sîyasîye û haştîye û demokrasî têhet nêbenê. Êyê ke îradeyê şarî rê hurmet nêkenê nê welatî rê xirabîya tewr pîle kenê. Ma nê zîhnîyetî ke bi rayîrê hukmî îradeyê şarî xesp keno, red kenê. Îradeyo hêzdar ê şarê Sêrtî do pêro Hîle û xespan bin bifîno.”
Tulay Hatimogullari zî vat: “Ma reyna vanê! Haştîye bi qeyûman nê bi demokasî û heq û huqûqî bena. Nê rojan de ma kenê hêvîya haştîye xurt bikerê, wextê winayên de ma xepskerdişê îradeyî qebul nêkenê. Ma do tim verba darbeya qeyûmî xo verbidê. Ma veng danê ke wa her kes verba xespkerdişê îradeyî vengê xo vejo.”
