Komîsyonê li ser çûyîna hevdîtina bi Rêberê Gelê Kurd Abdullah Ocalan re civiya û di encama dengdayînê de biryar hat girtin ku komîsyon biçe Girava Îmraliyê.
Komîsyona Demokrasî, Xwişk-Biratî û Hevgirtina Milî ku bi rojeva çûyina Girava Îmraliyê hevdîtina ya bi Rêberê Gelê Kurd Abdullah Ocalan re civiya. Komîsyonê ji bo çûyîna Giravê biryara dengdayînê girt.
Di encama dengdayînê de bi piraniya dengan ji bo çûyîna Girava Îmraliyê hatin bikaranîn. Bi piraniya dengan teqez bû ku dê komîsyon biçe bi Rêberê Gelê Kurd Abdullah Ocalan re hevdîtinê bike.
Di civînê de 33 deng ji bo çûyîna Girava Îmraliyê hatin bikaranîn. Di encama van dengan de biryar derket. Partiya Yenîyolê jî bi awayekî erênî û neyînî deng bikar neanî.
Li ser navê DEM Partiyê Serokwekîla Koma DEM Partiyê û endama komîsyonê Gulistan Kiliç Koçyîgît dê biçe, li ser navê MHPê jî dê Fetî Yildiz biçe û ne diyar ji partiyên din dê kî biçe. Rayedarên DEM Partiyê diyar kirin ku dîroka çûyîna Îmraliyê hê ne zelal e lê dibe ku serê hefteya pêşiya me hevdîtin pêk were.
Tê payîn ku endamên komîsyonê wek heyetekê biçe bi Abdullah Ocalan re hevdîtinê bike û li ser pêvajoyê nîqaş bikin.
