Komîteya Têkiliyên Derve ya Kongreya Amerîkayê dîmenên rûniştina di 10ê Sibatê de li ser rewşa Sûriyê û Rojavayê Kurdistanê pêkanîn bi sernava, “Şara şert bi cih neanîn” li ser hesaba xwe ya fermî weşandin.
Kongreya Dewletên Yekbûyî ya Amerîkayê (DYA) di 10ê Sibatê de rûniştinek li ser rewşa Sûriyê pêk anî. Di rûniştina bi sernavê, “Piştî têkçûna rejîma Bejar Esad rewşa Sûriyê û dijwariyên polîtîkaya DYAyê” pêk hat de polîtîkayên Hikumeta Demkî ya Sûriyê, êrişên li ser Rojavayê Kurdistanê, kêmarên etnîk û olî hatin nîqaşkirin. Gelek pispor û senator di rûniştinê de axivîn û bêbaweriya xwe ya li dijî Ahmed eş Şara û Hikumeta wî anîn ziman. Ji bilî kêm kesan axafvanan daxuyandin ku pêdankirinên li ser Sûriyê zû hatine vekirin û divê li şûna vê tedbîrên nû ji bo qada Sûriyê bên girtin.
‘Şara şert bi cih neanîn’
Komîteya Têkiliyên Derve ya Meclisa Nûneran a DYAyê dîmenên danişînê li ser hesabên xwe yên medya dijîtal weşandin. Ligel dîmenan naveroka danişînê jî bi kurtahî hate nivîsandin û wiha hate gotin: “DYAyê ligel têkiliyên wî yên terorîstî jî şansek da El-Şara ku îspata bike ka li kûderê disekine. Bi vê armancê pêdankirinên li ser Sûriyê rakirin. Lê ev şert bi cih nehatin û rêveçûna Sûriya di bin rêveberiya El-Şara de sedema fikarên mezin e.”
