Li Amedê heqê rê dîsa hat bihakirin. Ji sedî 30 zem hat kirin û heqê ji bo dolmîşê bû 25 lîre.
Li Amedê di van çend salên dawî de her sal heqê rê tê bihakirin. Ev demek bû şofêrên dolmîş û taksiyan li bendê bûn ku heqê rê were bihakirin. Li gorî çepameniya xwecihî ya Amedê; Navenda Koordînasyona Çûnehatê li Şaredariya Bajarê Mezin a Amedê civiya û biryar da ku heqê rê were bihakirin. Bi biryarê re ji sedî 25 zem li heqê rê hat kirin. Biryara vê bihabûna heqê rê ji sibê (7ê Gulanê) şûn ve dê bikeve dewrê.
Heqê rê yê dolmîşan ji 20 lîreyî derxistin 25 lîreyî. Heqê rê ji bo xwendekaran jî ji 12 lîreyan derxistin 15 lîreyan.
Heqê rê ji bo otobusên şaredariyê û Otobusên Gel ên Taybet jî hat bihakirin; li gorî vê heqê rê ji 15 lîreyan derxistin 20 lîreyan û ji bo xwendekaran jî ji 8 lîreyan derxistin 10 lîreyan.
