Rêxistina DEM Partiyê ya Amedê piştî şîna sê rojan ji bo Sirri Sureyya Onder mewlûd da.
Endamê Şandeya DEM Partiyê ya Îmraliyê Sirri Sureyya Onder piştî 18 rojên li nexweşxaneyê di 3yê Gulanê de jiyana xwe ji dest da. DEM Partiyê li gelek bajarên Kurdistanê û Tirkiyeyê li avahiyên xwe ji bo Sirri Sureyya Onder şîn danîbû. Ev 3 roj in li avahiya Rêxistina DEM Partiyê ya Amedê şîn hatibû danîn û bi deh hezaran welatî serdana şînê kirin.
Şîna li Amedê ku ev sê roj bûn didomiya, bi dayîna mewlûdê qediya. Di mewlûdê de endam û rêveberên DEM Partî, DBPê, partiyên siyasî, Dayikên Aştiyê, aktîvîstên TJAyê, hevşaredarên navçeyên Amedê, rêxistinên sivîl û gelek welatî amade bûn.
Mewlûd li pêşiya avahiya DEM Partiyê hat danîn. Wenêyen Sirri Sureyya Onder hatin daliqandin. Ji bo Sirri Sureyya Onder dua û fatîha hatin xwendin û loqim û helaw hat belavkirin.
Piştî dayîna mewlûdê şîn bi dawî bû.
