Ji bo Endamê Şandeya Îmraliyê ya DEM Partiyê Sirri Sureyya Onder li bajarê wî Semsûrê şîn hate danîn.
Endamê Şandeya Îmraliyê ya DEM Partiyê û Serokwekîlê Meclisê Sirri Sureyya Onder di 3yê Gulanê de jiyana xwe ji dest da. Malbata Onder û partiya wî li bajarê wî Semsûrê şîn danî. Şîn, li Taxa Karapinarê hate danîn. Hevserokên Giştî yên DEM Partiyê Tulay Hatîmogûllari û Tuncer Bakirhan, wekîlên DEM Partiyê, Endama Şandeya Îmraliyê Pervîn Buldan, rêxistinên DBP’ê yên bajar û navçeyan û gelek saziyên li bajar tev li şînê bûn. Şîn dê sê rojan bidome.
Şînê di saetên serê sibehê de dest pê kir. Li cihê şînê wêneyên Onder hatin daliqandin. Her wiha lênûska bîranînê danîn ser maseyê. Şîn dê heta saet 20.00an bidome.
