Pegasusê bi hinceta “muxalefeta hewayê” sefera Amed û Stenbolê betal kir. Bi sedan rêwî li Balafirgeha Amedê mexdûr bûn.
Şîrketa Pegasusê sefera Amed-Stenbol ku diçû balafirgeha Sabîha Gokçen a saet 21:30an, bi hinceta şertên neyînî yên hewayê betal kir. Balafira ku ji Stenbolê hatiye û wê dîsa rêwî bibira Stenbolê, li Balafirgeha Xarpêtê daket. Ji ber vê yekê, bi sedan rêwiyên ku li Balafirgeha Amedê mexdûr bûn û li ber balafirgehê kom bûn û nerazîbûna xwe nîşan dan. Rêwî daxwaza çareseriyeke lezgîn kirin. Li aliyê din hat ragihandin ku ji ber heman hincetê seferên Stenbol, Enqere, Antalya û Ercan a Qibrisê jî hatine betalkirin.
