Şervanên HSD û YPJê li derdora Girê Sîryatêlê ya Bendava Tişrînê 2 çalakiyên serkeftî kirin, tangek hat rûxandin û gelek çete hatin kuştin.
Navenda Ragihandina Hêzên Sûriya Demokratîk (HSD) bi daxuyaniyekê diyar kir ku hêzên wan li dijî çeteyên hikumeta demkî 2 çalakiyên serkeftî li derdora Girê Sîryatêl a Bendava Tişrînê pêk anîn, tangek hat rûxandin û gelek çete hatin kuştin.
Di daxuyaniyê de wiha hate gotin: ” Hêzên me, HSD û YPJê 2 çalakiyên serkeftî li dijî çekdarên Şamê li derdora Girê Sîryatêl a li derdora Bendava Tişrînê pêk anîn.
Di çalakiya yekemîn de, hêzan kombûneke çekdar a ku amadekariya êrişê dikir hedef girt, tangek wan rûxand. Di êrişa duyemîn de bi dronekê êrişî kombûna wan hat kirin.
Di her du çalakiyan de gelek endamên wan koman hatin kuştin û tangek bi temamî hat rûxandin.
Girêdayî mijarê, di çalakiyeke din a li gundê Hecî Hisên a herêma Bendava Tişrînê de mewziyeke leşkerî û nuqteyek kombûna çekdaran hat rûxandin.”
