Li Îranê greva birçîbûnê ya girtiyên siyasî ên li girtîgeha Qizilhesar 8 rojin didome. Tê gotin rewşa tenduristiyê ya girtiyan her ku diçe xirab dibe.
Malpera Dengê Binçavkiriyên Kurd û Îranê nûçeyek parve ker. Li gorî nûçeyê li girtîgeha Qizilhesar ya li bajarê Kerac ya Îranê, 9 girtiyên siyasî 8 rojin ketine greva birçîbûnê. Di nûçeyê de tê gotin ku girtî li dijî rewşa ne mirovî, îşkence û darvkirina du girtiyên siyasî ên bi navê Bêhruz Îxsanî û Mehdî Hesenî ketine greva birçîbûnê. Li gorî hema çavkaniyê girtiyên ketine greva birçîbûnê, hefteyeke di hûcreyên takekesî de tên ragirtin û her ku diçe rewşa wan ya tenduristiyê xirab dibe.
Navê girtiyên di greva birçîbûnê dene evin: Loqman Emîn Pur, Sipêhr Îmam Cume, Muysem Dihêban Zade, Hemze Siwarî, Mustefa Remezanî, Selahedîn Ziyabî, Erşam Rezayî, Ehmed Reza û Reza Selamn Zade.
Di 27ê Tîrmehê de, bi fermana berpirsê girtîgeha Qizilhesar ya bajarê Kerecê, 100 pasewanên çekdar yên girtîhê û hêzên îstîxbaratê avêtibûn ser odeyên girtiyên siyasî û gelek girtiyan avêtibûn hûcreyên yek kesî.
