Li Parlementoya Ewropayê pêşnûmaya ji hêla Partiya Sosyal Demokrat û Kes a Hollandayê (PvdA-GL) ve hatî dayîn, di encama dengdanê de hate qebûlkirin. Di pêşnûmayê de tê xwestin ku hemû alîkariyên ji hêla Yekîtîya Ewropayê ve ji Sûriyê tê şandin heta ku êriş radiwestin û di serî de kêmar mafên kêmaran tên qebûl kirin, bên rawestandin.
Ligel Peymana 29’ê Çileyê gef û dorpêça HTŞ-DAIŞ û komên girêdayî Tirkiyeyê li ser Rojava didome. Li dijî êriş û dorpêçan Kurd û dostên wan li çar aliyên cîhanê derketin qadan û daxwaza parastina Rojava kirin. Di vê çarçoveyê de Partiya Sosyal Demokrat û Keskan a Holendayê (PvdA-GL) hefteya borî pêşnûmayek pêşkêşî Parlementoya Holandayê kiribû.
‘Bila alîkarî bên rawestandin’
Di pêşnûmayê de rewşa Sûriyê û êrişên li ser Rojavayê Kurdistanê berfireh tê nirxandin û fikarên têkildarî Hikumeta Demkî ya Sûriyê tê destnîşankirin. Her wiha di pêşnûmayê de pêşniyara rawestandina alîkariyên ji bo Sûriyê tê kirin. Ligel rawestandina alîkariyên Hollandayê tê xwestin ku Hikumeta Hollandayê heman pêşniyarê bibe rojeva Yekîtiya Ewropayê û hewil bide heman biryarê ji wir jî derbixe.
Pêşnûma vegerî biryara Hikumetê
Pêşnûma di rûniştinek Parlementoya Ewropayê de hate nirxandin. Piraniya parlementeran piştgirî dan pêşnûmayê û di encama dengdanê de pêşnûma wekî biryarê hate qebûlkirin. Li gorî biryarê Wezareta Karên Derve ya Hollandayê dê ji bo mijarên di biryarê de derbas dibin bi Hikumeta Demkî ya Sûriyê re têkilî danê. Di vê çarçoveyê de dê hewil bide rewşa Kurdan û kêmarên li Sûriyê bîne rojevê û zextê li Hikumeta Şamê bike.
Pêşnûma dê pêşkêşî Parlementoya Ewropayê bê kirin
Di rojên pêş de li ser Wezareta Karên Derve ya Hollandayê heman pêşnûma dê biçe rojeva Parlementoya Ewropayê jî. Biryar dê wekî helwest û biryara Parlementoyê Hollandayê wekî pêşnûmayê pêşkêşî Parlementoya Ewropayê bê kirin. Ku pêşnûma li vir jî bê qebûl kirin dê wekî biryar bikeve meriyetê.
