Li gelek bajar û bajarokên Rojavayê Kurdistanê bi sed hezaran Kurd li dijî komploya navdewletî û êrişên giran ên Hikûmeta Demkî û Tirkiyê daketin qadan û destnîşan kirin ku berdel çibe bila bibe dê heta misogerkirina azadî û statûyê li berxwedanê mezin bikin.
Li Rojavayê Kurdistanê bi boneya 1ê Sibatê Roja Piştevaniya Rojava ya Cîhanê, li bajarên Hesekê, Qamişlo, Dirbêsiyê, Amûdê, Girkê Legê, Dêrik, Til Temir û Zirganê meş tên li darxistin. Bi van meşan Rojavayê Kurdistanê dê peyama, “Berdêl çi dibe bila bibe dê heta misogerkirina azadî û statûyê têkoşîn bê mezinkirin” ji cîhanê re bê ragihandin.
Li Qamişlo deh hezaran dest bi meşê kir
Li Qamişlo meşa mezin dest pê kir. Girseya ji deh hezaran pêk tê di seatên zû de li Çerxerêya Sonî hatin ceme hev. Girseya rengên Kurdistanî yên kesk, sor û zer bilind kirin, posterên şehîdan hildan. Di meşê de pankartên balê dikişînen ser mezinkirina têkoşîn û berxwedanê hatin vekirin û sloganên, “Bijî Kurdistan”, “Bijî YPG”, “Bijî YPJ”, “Yek e yek ye Kurd yek e”, “Rojava Rojhilat e Kurdistan yek welat e” û “Bijî Serok Apo” hatin berzkirin.
Dengê sidûra neteweyî Ey Reqîb û merşên şoreşê olan dide
Di meşê denge sirûda neteweyî Ey Reqîb û merşên li ser şoreşa Rojavayê kurdistanê ji qada meşê bilind dibe. Meşvanên bi yek dengî û yek zimanî tevî gotina merşan dibin, peyama yekîtiya neteweyî ji cîhanê re radigihînin. Welatî bi slogana, “Bijî yekîtiya gelê Kurd” bi coş û perojek mezin meşê didomîne.
Hêzen ewlehiyê tedbîrên berfireh girtin
Di meşan de li dijî îhtîmala bûyerek neyînî ewlehiye berfireh hate girtin. Hêzen asayîşê li ser riyên meş lê derbas bibe, wezîfedar bi cih kirin. Her wiha li tevahiya bajar jî bi heman amancê tedbîrên ewlehiyê hatin zêdekirin.
Hunermend renge xwe didin meşê
Hunermendên Kurd ku di çarçoveya seferberiya neteweyî de ji Ewropayê berê xwe dabûn qadên şoreşê jî cihê xwe di meşê de girtin. Hunermend Diyar Dêrsim, Hozan Şemdîn, Gulbahar Rehîm, Loqman Salim Fetah û Rênas Sedî bi gelê xwe re gav bi gav dimeşin. Her wiha nivîskar Kakşar Oramar û lîstikvanê fitbolê Denîz Nakî, rojnameger Danyal Cemîl û gelek kesên din ên navdar tev li meşê bûn.
Li Amûdê qêrîna ‘serhildan jiyan e’ bilind dibe
Bejarek din ê kum eşek bi heybet hat eli darxistin jî Amûdê ye. Ji 7ê heta 70 salî tevahiya gelê Amûdê ji bo qêrina azadî û statûyê li Qada Jina Azad hatin cem hev. Zarok, ciwan, jin, mêr, pîr û kalên kesk, sor û zer bilind kirîn dest bi meşa nava bajar de kirin. Girse di bin tedbîrên berfireh ên hêzên ewlehiyê de bi sloganên dilsoziya wan bi Kurdistan, yekîtiya gelê Kurd, YPG, YPJ, HSD û şoreşa Rojava re tîne ziman berz dikin. Di meşê de posterên şehîdan hatin vekirin û sloganên, “Bijî Kurdistan” û, “Biji Serok Apo” hatin gotin.
Li Dirbêsiyê meşa azadiyê
Navnîşanek din a ku gelê daketiye qadan jî Dirbêsiyê ye. Girseya li Qada Jina Azad kom bûyî, pêşiyê al, poster û rengên Kurdistanî bi ba xistin. Sirûda neteweyî û merşên şoreşê bi yek dengî hatin xwendin. Girseyê bi çepik, slogan û gotina merşan dest bi meşê kir.
Ligel gelek bajaran deh hezar kom dibin
Li bajar û bajarokên Girkê Legerê, Dêrik, Hesekê, Til Temir û Zirgan jî bi heman armancê gel li qadan kom dibe. Girseyên amadekariya meşê dikin, li aliyekê xwe bi rengên Kurdistanî dixemilînin û li aliyê din jî bi çepik, slogan û gotina merşên şoreşê helwest û daxwazên xwe diqêrin.
