Ciwanên Şengalê, bi armanca piştgiriya berxwedana gelê Rojava meşeke girseyî li dar xistin û banga xurtkirina berxwedanê kirin.
Xelkê Şengalê bi şev û roj ji bo piştgiriya berxwedana Rojavayê di nav çalakiyan de ne. Di vê çarçoveyê de, êvarê bi pêşengtiya ciwanên Êzidî li komelgeha Digurê ya ser bi Şengalê ve çalakiyeke girseyî hat lidarxistin. Ciwanên ku ji gund û navçeyên cuda yên Şengalê hatin, li ser rêya sereke ya Digurê li hev kom bûn. Ciwanan di nava kolanên komelgehê de dest bi meşê kirin û bê navber dirûşmên wekî “Bijî Berxwedana Rojava” û “Şengal û Rojava yek in” berz kirin.
Li dora agir berxwedan qêriyan
Piştî meşê, koma ciwanan berê xwe da ber avahiya Meclisa Gel a Digurê. Li wir wekî sembola berxwedanê agir hat pêxsitn. Ciwanan li dora agir heta seatên şevê man û bi gotina stranên şoreşgerî û dirûşmeyan peyama dilsoziya bi gelê Rojava re dan.
Çalakvanan da xuyakirin ku heta êrişên li ser Rojavayê bi dawî nebin û serkeftin pêk neyê, ew ê li qadan bin û piştgiriya xwe ya ji bo Şoreşa Rojavayê bidomînin.
