Komeleya Parastina Sivîlan a Filîstînê, ragihand ku di encama êrîşa hewayî ya Îsraîlê ku li dijî Şerîda Xezeyê pêk anî herî kêm 25 kes hatin kuştin.
Rayedarekî ji parastina sivîl a li Xezeyê ji AFPê re ragihand ku di encama bombekirina maleke li navenda Han Yûnisê 9 kes hatin kuştin û 6 kes jî winda bûne. Hat ragihandin ku li Xezeyê di êrîşên li dijî du kampên cuda yên penaberan de bi giştî 10 sivîlan jiyana xwe ji dest dan. Pênc kes li Kampa Penaberan a el-Şatî û 5 kes jî ku di nava wan de jinek jî heyî li Kampa Cibeliya hatin kuştin. Li rojavayê kampa Cebaliya di encama êrîşekê de 4 kes hatin kuştin û her wiha 2 kes jî li Refeh a li başûrê Şerîda Xezeyê hatin kuştin. Îsraîlê ku agirbest xirab kir, di 18ê Adarê de li Xezeyê dijî Hamasê dest bi êrîşên hewayî û bejahî kir.
Wezareta Tenduristiyê ya Hamasê ragihand ku, ji 18ê Adarê û vir ve herî kêm Hezar û 864 Filîstîniyan jiyana xwe ji dest dane. Hat ragihandin ku di şerê ku piştî 7ê Cotmeha 2023yan destpê kir de hejmara kesên li Xezeyê mirine gihiştiye 51 hezar 240 kesan.
