Riha- Meşvanên Amarayê 33 ciwanên sosyalîst ên di 20ê Tirmeha 2015an de di êrîşa DAIŞê de hatibûn kuştin, li Navenda Çanda Amarayê a Pirsûsê cihê lê hatibûn kuştin, ew bibîr anîn.
Meclisa ciwanan a DEM Partiyê bi boneya 76emîn rojbûna Rêberê Gelê Kurd Abdullah Ocalan 3 rojê bi şiyara “Bi Civaka Demokratîk Em ber bi Azadiyê ve Dimeşin” dimeşin Amarayê. Meşwan di roja 3yemîn de meşiyan Nevênda Navenda Çanda Amarayê û 33 ciwanên sosyalîst ên ku di êrîşa DAIŞê ya di 20ê Tirmehê 2015an de hatin kuştin, cihe lê hatin kuştin ew bibîr anîn. Ciwanên sosyalîst ku endamên SGDFê bûn, ji bo piştgiriyê bidin zarokên li Kobanê ji gelek bajarên Tirkiyeyê hatibûn Pirsûsê. Di meşe de ciwanan sloganên “Bijî Serok Apo”, “Şehîd Namirin” berz kirin.
Ciwanan li Navenda Çanda Amarayê deqeyek rêz girtin
Ciwanan piştî rêzgirtinê dest bi axaftina kirin. Ewil li ser navê Meclisa Ciwanan a HDKê Ozgûr Garîpsazci axivî diyar kir ku em her dem pişt Rêberê xwe ne û got: “Ji bo şoreşa Rojava encam negire DAIŞê bi destê dewleta Tirk êriş pêk anîn. Lê her çar alîyên Kurdistanê gel herikî sînoran. Ciwanên Sosyalist ji bo azadîya gelê Kurd hatin ber bi sînorê. Lê DAIŞê 33 hevalên me kuştin. Dewlet çi bike bila bike em ê bi ser bikevin. Îro jî pêvajoyêk heye lê dewlet hewl dide ku pêvajoyê ji alîyê Rêberê Gelê Kurd Abdullah Ocalan ve hatiye destpêkirin xira bike. Lê em ciwan her dem li pişt Rêberê xwe bibin.”
Paşê bi navê Komûnên Ciwana Dogukan Mogol axivî, Dogukan Magol diyar kir ku rêya hevalên wan rêya wan e û got: “Hinekan got Kobanê ket lê şoreşa Rojava bilind bû. Berî 9 salan hevalen me ji bo ji nûve avakirina Kobanê hatin vir. Lê bi destê çeteyên DAIŞê 33 hevalên me şehîd xistin. Em ê xeyalê hevalên xwe pêk bînin. Em li vir soz didin rêhevalê xwe.”
Di dawiyê de endamê meclisa Jinên Ciwan Rûmeysa Bozkûrt axivî û diyar kir ku dewlet ji xeyalên wan titirse û got: “Hevalên me ji bo ji nûve avakirina Kobanê hatibû vir. Ji bo zarokên Kobanê bi rê ketibûn. Lê dewletê hevalên me şehîd xistin. Em li vir soz didin ku em ê pişt şopa rêhevalê xwe bibin. Şehîd namirin.”
Piştî axaftina navê Şehîdên Pirsûsê hat xwendin û ciwanan kulîlk danîn cihê êrişê û marşa Çarxa Şoreşê xwendin. Ciwan ber bi Xelfetiyê ve bi rê ketin.
