Mihrîcana Çandê û Parvekirina Keda Jinan a ji aliyê şaredariya Peyasê ve hat lidarxistin di roja sêyemîn de bi konsera Beser Şahîn dawî bû.
Li Amedê bi boneya keda jinê were nasîn Gerînendetiya Polîtîkayên Jinan a şaredariya Peyasê Mihrîcana Çand û Parvekirina Keda Jinan Park Ormanê li dar xist. Mihrîcana 3 roja berdewam kir îro dawî bû. Hevşaredara Peyasê Bêrîvan Gulşen Sîncar û gelek kes tev li mihrîcanê bûn. Di mihrîcanê de gelek şaredariyên navçeyên Amedê, saziyên jinan û jinên kedkar stand vekirin. Jinên Amedê bi coşek mezin tevlî mihrîcanê bûn. Di roja dawî de hunermend Beser Şahîn derket li ser dike û mihrîcan bi konserê dawî bû.
Beser Şahîn, ji ber zextên dewletê di salê 90î de berê xwe da Ewropayê û piştî 30 salan li Amedê konsera xwe ya yekemîn da. Beser Şahîn di serî de gelê Amedê û gelê Kurd silav kir.
Di roja dawî de gel eleqeyek mezin nişanî standên jinan dan. Çalakiyên werzîşê û Atolyeya Boyaxkirina Keviran hat lidarxistin. Piştî Atolyeya Boyaxkirina Keviran, Beser Şahîn derket li ser dikû. Gel bicoş û kelecaneke mezin Beser Şahîn pêşwazî kir.
Mihrîcan bi stranên Beser Şahîn û gerandina govendê dawî bû.
